Header Ads

Saturday, December 16, 2017

ସପନ ସାଜିଛି ଆଜି

ସ୍ମୃତି ସମାଧିରେ କବର ନେଲାଣି
ସେକାଳର ଆତ୍ମୀୟତା
ହଜିତ ଗଲାଣି ଭାଗବତ ଟୁଙ୍ଗୀ
ଲିଭିଛି ରୂଖା ସଳିତା ॥

ସ୍ମୃତି ଉପବନେ ସାଉଁଟେ ମୁଁ ଆଜି
ଓଷା ପୂନେଇଁର ବାସ୍ନା
ଗାଆଁ ଦାଣ୍ଡର ସେ ଭିଜା ମାଟି ଗନ୍ଧ
ଖୋଜିଲେ ଆଜି ମିଳେନା ॥

ଶୀତ ସକାଳର ଶୀତୁଆ ସପନ
ପୂନେଇଁ ରାତିର ଜହ୍ନ
ହଜିତ ଗଲାଣି ଜୀବନ ଗତିରେ
ଫେରିବ କି ସେହି ଦିନ ??

ନାହିଁ ଆଉ ଢିଙ୍କି ଘୋରଣା ବା ଚକି
ସବୁତ ଯାଇଛି ହଜି
ପୂନିଅଁ ପରବ ଯେତେ ପିଠାପଣା
ସାଜିଛି ସପନ ଆଜି ॥

ଖୋଜେ ନଈପଠା ଖୋଜେ ଆମ୍ବତୋଟା
ଖୋଜେ ବିଲ ବଣ ବୁଦା
ଯେତେ ଖୋଜିଲେବି ମିଳେନା କେଉଁଠି
ସେଦିନର ମନ କଥା ॥

Readers Count

ହୃଦୟର କବିତା

କଥା ଓ କାହାଣୀ

ଭ୍ରମଣ ଓ ଅନୁଭୂତି